AzVision.az Gürcüstan mediasına istinadən xəbər verir ki, Nino Tsilosani sənədi imzalayan erməni deputatların bununla öz baş nazirlərinə etimad göstərmədiklərini deyib.
“Gürcüstan hökumətinin qeyri-legitim olduğunu bildirən qətnaməni dəstəkləməklə erməni deputatlar faktiki olaraq baş nazirlərinə etimadsızlıqlarını ifadə ediblər. Çünki Ermənistanın baş naziri Gürcüstana rəsmi və işgüzar səfərlər edib və xalqın seçdiyi hökumətlə görüşlər keçirib”, - gürcü parlamentari vurğulayıb.
O, Avronest PA-nın İrəvanda keçirilən sonuncu plenar sessiyasında qəbul edilən qətnamənin mənasız və məzmunsuz olduğunu diqqətə çatdırıb.
Daha əvvəl bildirilmişdi ki, sənəddə Gürcüstanda ötən il oktyabrın 26-da keçirilmiş parlament seçkiləri“saxta” , hökumət isə“özünü elan etmiş” qurum kimi qiymətləndirilir. Buna cavab olaraq Gürcüstan nümayəndə heyəti Avronest Parlament Assambleyasının gələcək sessiyalarında iştirakdan imtina etdiyini açıqlayıb.
Sahil İsgəndərov
AzVision.az
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
