Londondakı mənbələr bildirir ki, raketlər qış aylarında mümkün hücumlara qarşı ehtiyat məqsədilə tədarük olunub…
Poliqon xəbər verir ki, Bloomberg Agentliyinin diplomatik mənbələrinə əsasən, Böyük Britaniya Ukraynaya əlavə sayda Storm Shadow tipli qanadlı raketlər göndərib. Raketlərin dəqiq sayı açıqlanmasa da, məqsəd Ukraynanın qış mövsümü ərəfəsində hərbi ehtiyatlarını möhkəmləndirmək olub.
Agentliyin məlumatına görə, London Kremlin qarşıdakı aylarda Ukraynanın mülki infrastrukturuna və yaşayış məntəqələrinə qarşı hücumlarını intensivləşdirəcəyindən narahatdır. Bu səbəbdən Böyük Britaniya Kiyevin müdafiə qabiliyyətini artırmaq üçün əlavə silah tədarükünə qərar verib.
Qeyd edək ki, “Storm Shadow” raketləri uzaqmənzilli, yüksək dəqiqlikli zərbə sistemi hesab olunur və Ukrayna ordusuna Rusiyanın arxa cəbhə obyektlərinə zərbələr endirməyə imkan verir. Bu silahlar Ukraynanın Qərb tərəfdaşlarından aldığı ən strateji texnologiyalardan biri sayılır.
Poliqon.info
