İbtidai təhsil səviyyəsində tədris aparan bütün məktəblər 3 noyabr 2025-dən etibarən müsabiqəyə qeydiyyatdan keçə bilərlər.
Elm və Təhsil Nazirliyindən AzEdu.az-a bildirilib ki, məktəblər qeydiyyatdan keçmək üçün aşağıdakı üsullardan birini seçə bilərlər:
bilbacar.edu.az saytında “Məktəblər üçün müraciət” bölməsinə müvafiq məlumatları daxil etməklə;
Tabe olduqları regional təhsil idarələrinə müraciət etməklə.
Müsabiqə 3 və 4-cü sinif şagirdləri arasında oxu bacarıqlarının inkişafına yönəlib və 4 hazırlıq, 4 yarış mərhələsini əhatə edir.
