ABŞ prezidenti Yaxın Şərq ölkələrini İsraillə münasibətləri normallaşdırmağa çağırıb…
Poliqon xəbər verir ki, ABŞ prezidenti Donald Tramp CBS telekanalına müsahibəsində Səudiyyə Ərəbistanının “İbrahim sazişlərinə” qoşulacağına ümid etdiyini bildirib. O, kral ailəsinin varisinin bu addımı atmaq ehtimalını yüksək qiymətləndirib: “Düşünürəm ki, o, qoşulacaq”, deyə Tramp vurğulayıb.
Xatırladaq ki, Tramp oktyabrın 19-da verdiyi başqa bir müsahibədə yaxın zamanda “Əbraham sazişlərinin” iştirakçı sayının artacağını gözlədiyini demişdi. Sazişin əsas məqsədi ərəb və müsəlman ölkələri ilə İsrail arasında diplomatik münasibətlərin normallaşdırılmasıdır.
Avqustun 7-də isə ABŞ prezidenti bütün Yaxın Şərq ölkələrini bu təşəbbüsə qoşulmağa çağırmışdı. Onun sözlərinə görə, İranın nüvə arsenalı “tamamilə məhv edildikdən” sonra, regionda sabitlik üçün Vaşinqton üçün ən vacib məsələ bütün dövlətlərin sazişin bir hissəsinə çevrilməsidir.
Tramp “İbrahim sazişlərini” 2017–2021-ci illəri əhatə edən ilk prezidentlik dövrünün əsas diplomatik nailiyyətlərindən biri adlandırır. 2020-ci ildə İsraillə münasibətləri Bəhreyn, Birləşmiş Ərəb Əmirlikləri və Mərakeş normallaşdırmış, 2021-ci ildə isə Sudan diplomatik əlaqələrin qurulduğunu elan etmişdi.
Poliqon.info
