İtaliyalı tennisçi, dünyanın ikinci raketkası Yannik Sinner Parisdə keçirilən “Masters” turnirinin finalında qalib gəlib.
İdman.Biz xəbər verir ki, o, kanadalı idmançı - ATP reytinqində 10-cu pillədə qərarlaşan Feliks Oje-Alyassimi 6:4, 7:6 (7:4) hesabı ilə məğlub edib.
Görüş 1 saat 51 dəqiqə davam edib. Sinner 6 imkanın 1-dən brek reallaşdırıb, 6 eys yerinə yetirib və 2 ikili səhv buraxıb. Alyassim isə 8 eys, 2 ikili və 13 məcburi səhv edib (Sinnerin 8 səhvinə qarşı).
Qeyd edək ki, bu qələbə Sinnerin cari mövsümdə beşinci titulu olub. O, bundan əvvəl Avstraliya Açıq, Uimbldon, Vyana və Pekin turnirlərində də çempion adını qazanmışdı.
