ain.az bildirir, 525.az portalına istinadən.
Azərbaycan elmi qədim, uludu,
Bəxş edib cahana çox dahiləri.
Böyük türk elminin parlaq qoludu,
Xaqan Xaqanidən ta üzü bəri.
Bu elm yüksəldi, elə boy atdı,
Yayıldı sədası Ulduza, Aya.
Böyük kəşflərinə dünya qol atdı,
Məbədtək tanınır Akademiya!
Uzaq ulduqların sorağındadı,
İzləyir, kəşf edir kəhkəşanları.
Yeni tapıntılar marağındadı,
Möcüzə yaradır ötən anları.
Quruda, dənizdə “Qara qızıl”ın,
Yerləri, sirləri kəşf olunubdu.
Qarşısı alınıb qorxunc anların,
Dünya təhlükədən çox qorunubdu.
Qoynunda çalışan elm adamları
Min zəhmət çəkiblər, bəhrəsi çoxdu.
Yusif Məmmədəliyev adlı dahinin,
Elmi kəşflərinin əvəzi yoxdu.
Nizami dühası, Məhsəti şeiri,
Əbədiyyət tapdı öz obasında.
Füzuli qüdrəti, sənətdə yeri,
Ucaldı Tanrıya söz libasında.
Ucalır vüqarla neçə abidə,
Rəngini soldurmur qarlar, yağışlar.
Parisi, Londonu salıb heyrətə,
Memar Əcəmidən qalan naxışlar.
Hər işi dünyəvi, bəşəri işdi,
Müstəqil çağından yoxdu dərd-səri.
Xalqımız bu qədər fəxr etməmişdi,
Kosmik fəzalarda süzür peykləri.
Tükənməz qayğısı Ulu öndərin
Çatdı imdadına çətin anında.
Tapdı dəyərini möhtəşəm, dərin,
Qalib Prezidentin Sərəncamında.
Sevinc içindədi elm mərkəzimiz,
Saçılır, bərq vurur nur dolu ziya.
Fəxrlə, qürurla söyləyirk biz:
- Ad günün mübarək, Akademiya!
İbrahim YUSİFOĞLU
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
