İspaniya La Liqasının XI turu çərçivəsində “Barselona” doğma meydanda “Elçe” ilə qarşılaşıb.
90deqiqe.Az-ın məlumatına görə, görüş Barselonadakı “Olimpik Lluís Kompanis” stadionunda baş tutub.
Oyunda üstünlüyü meydan sahibləri ələ alıb – 3:1 hesablı qələbə “Barselona”nın aktivinə yazılıb.
Matçın 9-cu dəqiqəsində Lamin Yamal hesabı açıb, 11-ci dəqiqədə Ferran Torres fərqi artırıb. 42-ci dəqiqədə “Elçe”nin hücumçusu Rafael Mir bir qolla cavab versə də, 61-ci dəqiqədə Markus Raşford kataloniyalıların üçüncü qoluna imza atıb.
Bu nəticədən sonra “Barselona” xal sayını 25-ə yüksəldərək turnir cədvəlində ikinci pilləyə qayıdıb. Komanda lider “Real”dan 5 xal geri qalır. “Elçe” isə 14 xalla doqquzuncu yerdə qərarlaşıb.
