Altı cinayətkar Fransanın Lion şəhərindəki Pourquery Laboratoriya zavodundakı qiymətli metalların emalı laboratoriyasını qarət edib.
"Ölkə.az" bu barədə Le Progres qəzetinə istinadən xəbər verir.
Şahidlər bildiriblər ki, soyğunçular sayrışan işıqları olan bir maşınla gəlib laboratoriyanın pəncərələrini partlayıcı maddələrlə sındırıblar. Soyğun yeddi dəqiqə davam edib.
"Orada silahlı bir neçə şəxs var idi. Biz onların qaçmazdan əvvəl maşınlarını yüklədiyini gördük", - Le Progres şahidlərin sözlərinə istinadən yazıb.
Hücum nəticəsində beş fabrik işçisi yaralanıb. Oğurlanmış qiymətli metalların dəyəri 12 milyon avro olaraq qiymətləndirilib. Fransanın daxili işlər naziri Loran Nunyes daha sonra bütün hücum edənlərin həbs olunduğunu elan edib.
Daha əvvəl naməlum hücumçular Luvr muzeyinə daxil olaraq Napoleonun kolleksiyasından zinət əşyaları oğurlayıblar.
Elvin
Ölkə.az
