Ukraynanın Sumı şəhərində hücumlar nəticəsində elektrik enerjisi kəsilib.
NOCOMMENT.az bildirir ki, bu barədə vilayət hərbi idarəsinin (OVA) rəhbəri Oleq Qriqorov Telegram-da məlumat verib.
O, Sumı rayonunun da bir hissəsinin işıqsız qalmasına aydınlıq gətirib. Qurum rəsmisinin sözlərinə görə, hazırda elektrik enerjisinin bərpası üçün tədbirlər görülür və bu arada mühüm infrastruktur obyektləri ehtiyat enerjiyə keçəcək.
Bir gün əvvəl Rusiya hərbçiləri Sumıda Geran-2 kamikadze pilotsuz uçan aparatlarından istifadə edərək kütləvi hücum həyata keçirib. İnfrastruktur zədələndi. Partlayış səsləri Zaporojjya, Dnepropetrovsk və İvano-Frankivsk vilayətində də eşidilib.
