İngiltərə Premyer Liqasının X turunda “Nottinqem Forest” öz meydanında “Mançester Yunayted”i qəbul edib.
90deqiqe.Az-ın məlumatına görə,“City Ground” stadionunda baş tutan qarşılaşma 2:2 hesablı bərabərliklə yekunlaşıb.
Matçın 34-cü dəqiqəsində Kazemiro qonaqları hesabda önə çıxarıb. İkinci hissənin əvvəlində meydan sahibləri təşəbbüsü ələ alıblar – əvvəlcə Moran Qibbs-Vayt 48-ci dəqiqədə bərabərlik qolunu vurub, daha sonra Nikolo Savona 50-ci dəqiqədə komandasını önə keçirib.
Lakin Amad Diallo 81-ci dəqiqədə “qırmızı şeytanlar”ı məğlubiyyətdən xilas edib və oyunun yekun nəticəsini müəyyənləşdirib – 2:2.
Bu nəticədən sonra “Nottinqem Forest” 6 xalla turnir cədvəlində 18-ci pillədə qərarlaşıb. “Mançester Yunayted” isə 17 xal toplayaraq beşinci yerdədir.
Növbəti turda “Forest” 9 noyabrda “Lids Yunayted”lə, “Yunayted” isə 8 noyabrda səfərdə “Tottenhem”lə qarşılaşacaq.
