BAKI, 1 noyabr. TELEQRAF
Dünyanın ən böyük neft hasil edən ölkələrin ittifaqı OPEC+ dekabr ayı üçün hasilat hədəflərində daha bir cüzi artımla bağlı razılığa gəlməyi planlaşdırır.
Teleqraf xəbər verir ki, bu barədə "Reuters" məlumat yayıb.
Agentliyin mənbələrinə görə, aprel ayından etibarən OPEC+ in səkkiz üzvü gündəlik hasilat kvotalarını 2,7 milyon bareldən çox artırıb ki, bu da qlobal tədarükün təxminən 2,5%-ni təşkil edir.
Bu qrupa Səudiyyə Ərəbistanı, Rusiya, BƏƏ, İraq, Küveyt, Oman, Qazaxıstan və Əlcəzair daxildir. Üç mənbəyə görə, bu ölkələr bazar günü dekabr kvotalarını gündə daha 137 min barel artırmaq barədə razılığa gəlməyi planlaşdırırlar.
