BAKI, 1 noyabr. TELEQRAF
Azərbaycan Premyer Liqasında X turun növbəti oyunu “Karvan-Yevlax” və “Zirə” komandaları arasında keçirilib.
Teleqraf xəbər verir ki, Şamaxı şəhər stadionunda təşkil olunan görüş “qartallar”ın 3:2 hesablı qələbəsi ilə başa çatıb.
“Karvan-Yevlax”dan İmani Barkerlə (29-cu dəqiqə) Kayl Spens (62), “Zirə”dən isə Brahim Konate (57), Leroy-Cak Mikels (74) və Ayron Qomis (87) fərqləniblər.
Rəşad Sadıqovun rəhbərlik etdiyi kollektiv bu qələbə ilə xallarının sayını 19-a çatdıraraq 2-ci pilləyə yüksəlib. Azər Həşimovun komandası 5 xalla 11-ci sıradadır.
Qeyd edək ki, tura noyabrın 3-də yekun vurulacaq.
