İspaniyanın “Barselona” klubu “Arsenal”ın kapitanı və yarımmüdafiəçisi Martin Odeqard yay transfer pəncərəsi üçün hədəf siyahısına salıb.
90deqiqe.Az “Indykaila”ya istinadən xəbər verir ki, Kataloniya təmsilçiləri 26 yaşlı futbolçunun karyerasında yeni mərhələyə hazır olduğuna inanırlar. Bildirilir ki, “Barselona” norveçlinin transferi üçün iyun ayında hərəkətə keçməyi planlaşdırır.
Odeqard “Arsenal”ın heyətində 2021-ci ilin yayından çıxış edir. Bu müddətdə o, bütün turnirlərdə 205 oyuna çıxıb, 41 qol vurub və 40 assist edib.
Norveç millisinin kapitanı olan futbolçunun London klubu ilə müqaviləsi 2028-ci ilin yayına qədər qüvvədədir. Transfermarkt portalının məlumatına görə, Odeqardın bazar dəyəri 80 milyon avro təşkil edir.
