"Bayern Münhen" qışda müdafiəsini gücləndirmək üçün indidən hərəkətə keçib.
Fanat.Az xəbər verir ki, Almaniya nəhəngi "Feyenoord"un sağ cinah müdafiəçisi Qivayro Rid ilə müqavilə bağlamaq üçün danışıqlara başlayıb.
Bu barədə tanınmış insayder Florian Plettenberq məlumat yayıb.
Niderlandın 21 yaşadək futbolçulardan ibarət komandasında çıxış edən 19 yaşlı futbolçunu İngiltərə Premyer Liqasının bir neçə aparıcı klubları, o cümlədən "Liverpul" da izləyir.
Rid bu mövsüm 12 oyun keçirib, bir qol vurub və iki məhsuldar ötürmə edib. Onun "Feyenoord" ilə müqaviləsinin müddəti 2029-cu ilin yayına qədərdir.
Mirağa
