“Medinex 2025” çərçivəsində TƏBİB və Türkiyənin “Aselsan” elektronika şirkəti ilə arasında qarşılıqlı əməkdaşlığa dair Anlaşma Memorandumu imzalanıb.İmzalanan memoranduma əsasən müasir texnologiyaların səhiyyə sahəsində tətbiqi üzrə birgə layihələrin hazırlanması və həyata keçirilməsi, birgə hazırlanacaq səhiyyə həlləri ilə bağlı süni intellekt fəaliyyətlərinin və klinik tədqiqatların aparılması istiqamətində razılıq əldə olunub.Tərəflər memorandumun Azərbaycan səhiyyə sisteminin gücləndirilməsi məqsədilə rəqəmsal transformasiya və ən son texnologiyaların tətbiqi baxımından mühüm addım olduğunu vurğulayıblar.
