Bizimyol portalından alınan məlumata görə, ain.az xəbər verir.
Belarus prezidenti Aleksandr Lukaşenko "üfunətli Avropa"nın gələcəkdə respublikaya ölkənin qorunan meşələri sayəsində əldə etdiyi təmiz hava üçün pul ödəyəcəyini deyib.
Bizimyol.info xəbər verir ki, Blaris prezidenti bunu "BelTA" xəbər agentliyinə müsahibəsində bildirib.
"Bu təmiz hava gələcəkdir, biz onu qorumalıyıq. Və vaxt gələcək ki, bu üfunətli Avropa Tanrının bizə verdiyini, bizim də qoruduğumuz təmiz hava üçün bizə pul ödəyəcək", - deyə prezident qeyd edib.
O deyib ki, Avropada "bunun demək olar ki, heç biri yoxdur və külək bütün bu yaxşılığı təmiz hava şəklində ora əsir".
"Ödəmək əvəzinə, onlar bizi sanksiyalarla boğmağa başlayırlar. Bu keçəcək. Artıq keçir. Düşünürəm ki, bu təmiz hava üçün bizə pul ödəyəcəkləri vaxt uzaqda deyil", - deyə Lukaşenko əlavə edib.
Cümə günü Belarus lideri Berezinski Biosfer Qoruğuna baş çəkmək də daxil olmaqla, Vitebsk vilayətinin Lepel rayonuna işgüzar səfər edib. Orada ona deyilib ki, oradakı hava Minskdəkindən 300 dəfə təmizdir.
"Meşələr, təmiz su və təmiz hava - normal həyat sürmək üçün başqa nə lazımdır?" deyə prezident qeyd edib.
Qadir, Bizimyol.info
Hadisənin gedişatını izləmək üçün ain.az saytında ən son yeniliklərə baxın.
