Bakı, 31 oktyabr, AZƏRTAC
İspaniyanın “Barselona” klubu uzun fasilədən sonra yenidən “Kamp Nou” stadionuna qayıdır.
AZƏRTAC Kataloniya təmsilçisinin mətbuat xidmətinə istinadən xəbər verir ki, noyabrın 7-də komandanın azarkeşlər üçün açıq məşqi keçiriləcək.
Xatırladaq ki, stadionda yenidənqurma işlərinə 2022-ci ilin iyununda başlanılıb. Bu müddət ərzində “Barselona” ev matçlarını “Olimpik Lyuis Kompanis” arenasında keçirib.
