ABŞ dekabr ayında Bolqarıstan, Macarıstan və Slovakiyadan bəzi qoşunlarını çıxarmağı planlaşdırır.
HİT.az xəbər verir ki, Bolqarıstan, Macarıstan və Slovakiyada dekabrın ortalarından gec olmayaraq əlavə ixtisarlar gözlənilir.
Nəşrin mənbələri bildirib ki, bu ölkələr üçün Pentaqon "orta" hərbi geri çəkilmə strategiyasını nəzərdən keçirir.
CNN-in məlumatına görə isə ABŞ qoşunlarının Rumıniyadan çıxarılması qərarı ABŞ Respublikaçılar Partiyasının bəzi üzvləri arasında narazılığa səbəb olub.
Xüsusilə, Senatın Silahlı Qüvvələr Komitəsinin sədri Rocer Viker və Nümayəndələr Palatasının Silahlı Qüvvələr Komitəsinin sədri Mayk Rocers bu addımın ABŞ prezidenti Donald Trampın strategiyasına zidd olduğunu bildiriblər. Siyasətçilər Pentaqondan izahat tələb ediblər və ABŞ qoşunlarının Polşada, Baltikyanı ölkələrdə və Rumıniyada daimi rotasiyalı mövcudluğunun saxlanılmasına çağırıblar.
ABŞ Senatının Silahlı Qüvvələr Komitəsinin sədri Rocer Vikerin sözlərinə görə, bu qərar Trampın Rusiya prezidenti Vladimir Putinə "Ukraynada davamlı sülhə nail olmaq üçün danışıqlar masasına gəlməsi" üçün təzyiq göstərdiyi bir vaxtda Rusiyaya yanlış siqnal göndərir.
Samir
