Almaniya Avropa ilə Rusiya arasında gərginliyin artması fonunda Türkiyənin Eurofighter təyyarələrini almasını alqışlayır. Ankaraya səfər edən Almaniya kansleri Fridrix Merz bunu bildirib. O, müqavilənin Rusiyadan qaynaqlandığını iddia etdiyi təhlükə qarşısında hərbi ittifaqı gücləndirəcəyini bildirib.
"Rusiyanın militant revizionizmi bütövlükdə Avro-Atlantik təhlükəsizliyini təhdid edir. Bu kontekstdə Almaniya hökuməti Türkiyənin 20 Eurofighter təyyarəsi almaq qərarını birmənalı şəkildə alqışlayır", Merz deyib .
Almaniya kansleri vurğulayıb ki, Türkiyənin arsenalındakı bu təyyarələr "Alyansın kollektiv təhlükəsizliyinə xidmət edəcək".
Bu həftənin əvvəlində Türkiyə Böyük Britaniya ilə 20 Eurofighter qırıcı təyyarəsi almaq üçün 10,7 milyard dollarlıq müqavilə imzalayıb. London bunu "bir nəsildə ən böyük qırıcı təyyarə müqaviləsi" adlandırıb. Reuters-in məlumatına görə, müqavilə MBDA Meteor hava-hava raketləri və Brimstone yerüstü hücum raketləri də daxil olmaqla hərtərəfli silah paketini əhatə edir. 20 təyyarədən ibarət ilk partiyanın 2030-cu ildə təhvil verilməsi gözlənilir. Ankara həmçinin Qətər və Omandan əlavə 24 Eurofighter almaq niyyətində olduğunu açıqlayıb.
Əziz Mustafa
