Bakı, 31 oktyabr, AZƏRTAC
Patriarxal və ənənəvi strukturlar Konqo cəmiyyətində dərin kök salıb. Bu da kişilər və qadınlar arasındakı münasibətləri qeyri-bərabər şəkildə formalaşdırıb. 1960-cı ildə müstəqillik əldə edilməsinə baxmayaraq, kolonial prinsiplər qanunvericilikdə uzun müddət qaldı.
AZƏRTAC xəbər verir ki, bu sözləri Sülh Naminə Cənubi Kivu Konqolu Qadınlar Qrupunun üzvü, insan haqları müdafiəçisi Sadiki Nyabisoki Agnes Bakıda Belçika müstəmləkəçiliyinə həsr olunmuş beynəlxalq konfransda çıxışı zamanı söyləyib.
O bildirib ki, kolonial dövrdə qadınlar hüquqi subyekt kimi deyil, xidmətçi, əməkçi və bəzən cinsi istismar obyekti kimi qəbul edilirdi. Bu zorakılıqlar isə nadir hallarda cəzalandırılırdı.
