"Ən elementar müdafiə imkanlarının olmaması bütün prosesi ədalətsiz edir. Şəxs iş materialları ilə tanış deyilsə, vəsatət də verə bilmir. Bu isə tərəflərin bərabərliyi və prosesin rəqabət prinsiplərini tam pozur. On aylıq bu məhdudiyyətlərlə davam edən proses ədalətli sayıla bilməz və biz məsələni beynəlxalq təşkilatların diqqətinə çatdırırıq."
Saakyanın sözlərinə görə, Vardanyana təyin olunan yeni dövlət müdafiəçisi də formal xarakter daşıyır. O iddia edir ki, yeni vəkilə iş materialları ilə heç olmasa qısa tanışlıq üçün əlavə vaxt belə verilməyib və növbəti məhkəmə iclası əvvəlki kimi eyni periodikliklə təyin olunub.
Hüquqşünas əlavə edib ki, ekspertlər yeni təyin olunan müdafiəçinin "açıq erməniofob mövqeyə" malik olduğunu bildiriblər:
"Belə şəraitdə onun real müdafiədən danışması mümkün deyil. O, sadəcə prokurorluğun bir uzantısına çevriləcək," - Saakyan vurğulayıb.
Təklifinizi, şikayətinizi bizə yazın. Sizi dinlərik. 055 634 88 31
