Rusiya Prezidenti Vladimir Putin radioaktiv sunami yarada biləcəyi deyilən Poseidon nüvə enerjisi ilə işləyən sualtı torpedasının uğurlu sınağını elan etdi.
Putin sınağı "böyük bir uğur" adlandıraraq, silahın həm sualtı qayıq buraxılış mühərriki, həm də nüvə enerji bloku ilə işlədiyini qeyd edib. "Heç bir başqa ölkədə buna bənzər bir şey yoxdur", - deyə o bildirib.
Sahil şəhərlərini məhv edəcək qədər güclüdür
Poseidon haqqında ictimaiyyətə açıq məlumatlar məhdud olsa da, mütəxəssislər silahın okeanda radioaktiv dalğalar yarada biləcəyini və sahil şəhərlərini yaşanmaz hala gətirə biləcəyini söyləyirlər. Atom Elmləri Bülleteninə görə, torpedo dəniz dibində genişmiqyaslı partlayışlar vasitəsilə "radioaktiv okean dalğaları" yaratmaq üçün kifayət qədər güclüdür.
