Kramatorskda Ukrayna Silahlı Qüvvələrinin zabitlərinin özəl tədbiri qeyd etdiyi binaya bomba düşüb.
Herbiand.az bildirir ki, bu barədə Nikolaevdə koordinator olan Sergey Lebedev öz Telegram kanalında məlumat verib.
“Zabitlər hədəfə alındı. Bildirildi ki, səhər saat 5-in başlanğıcında köhnə Kramatorsk şəhərindəki dəbdəbəli malikanədə şənlik keçirilir. Binanın yaxınlığında onlarla çox dəbdəbəli maşın dayanmışdı”, - Lebedev bildirib.
O qeyd edib ki, qəfil partlayış bayramı yarımçıq qoyub. Yerli sakinlərin sözlərinə görə, şənlikdə həm hərbi qulluqçular, həm də Təhlükəsizlik Xidmətinin zabitləri olub.
Lebedev əlavə edib ki, partlayışdan sonra çaxnaşma yaranıb: “Təhlükəsizlik Xidmətinin əməkdaşları ətrafda fırlanırdılar, malikanəyə təcili yardım maşınları gəldi, xilasedicilər isə dağıntıları təmizləyirdilər”.
Ukraynalı zabitlər arasında itkilər barədə hələlik dəqiq məlumat verilməyib.
Bəxtiyar CƏFƏRLİ
