Apteklərdə cəmi 35 qəpiyə satılan “Aktivləşdirilmiş kömür” tableti bir çox xəstəlik və narahatlıqların qarşısını alan ən ucuz, amma ən təsirli dərmanlardan biridir.
Yenisabah.az xəbər verir ki, ən bahalı preparatların belə əvəz edə bilmədiyi hallarda bu sadə kömür tableti bəzən həyat xilas edən vasitə kimi istifadə olunur.
Zəhərlənmələrin xilaskarı Pepperoni pizza
Mütəxəssislər bildirirlər ki, aktivləşdirilmiş kömür bədənə daxil olan zəhərli maddələri, bakteriyaları və toksinləri özünə hopduraraq onların qan dövranına keçməsinə imkan vermir. Zəhərlənmə, mədə pozğunluğu və ishal zamanı ilk tibbi yardım kimi qəbul edilən bu dərman mədə yuyulmadan əvvəl və ya sonra istifadə oluna bilər. Qısa müddətdə təsir göstərməsi ilə tanınan preparat həm uşaqlarda, həm də böyüklərdə effektiv nəticə verir.
Mədə köpü və ishala qarşı
Aktivləşdirilmiş kömür bağırsaqlarda artıq qazın və bakteriyaların fəaliyyətini azaldır, bu da qarın köpü, ishal və narahatlıq hissini aradan qaldırır. Qaz əmələ gəlməsi, həzm pozğunluğu və ağır yeməkdən sonra yaranan narahatlıq zamanı həkimlər bu dərmanı ən sadə, lakin faydalı çıxış yolu kimi tövsiyə edirlər.
Gözəllik üçün də istifadə olunur
Son illərdə aktivləşdirilmiş kömür dəri baxımında da öz yerini tapıb. Maskaların və skrabların tərkibinə əlavə olunan bu maddə dərinin məsamələrini təmizləyir, sızanaqları azaldır, yağlılığı tarazlayır. Bundan başqa, diş pastalarında da istifadə olunur — ağız qoxusunu aradan qaldırır və diş səthini ağardır.
Ucuz, amma diqqət tələb edən vasitə
Qiyməti ucuz olsa da, aktivləşdirilmiş kömürün düzgün dozada və qısa müddətdə istifadə olunması vacibdir. Həkimlər xəbərdarlıq edirlər ki, bu dərman digər preparatların təsirini zəiflədə, həmçinin vitamin və mineralların sorulmasını azalda bilər. Buna görə də o, yalnız qısa müddətli kurs və həkim məsləhəti ilə qəbul edilməlidir.
Əsmətxanım Rzazadə
Telegram kanalımız
