İkardi "Qalatasaray"dan ayrıla bilər

"Qalatasaray"ın ulduz hücumçusu Mauro Ä°kardinin gələcək karyerası ilə bağlı qeyri-müəyyənlik davam edir.

Adalet.az Ä°taliya mətbuatına istinadən xəbər verir ki, argentinalı forvardın agenti Pino futbolçunun mövsümün sonunda başa çatan müqaviləsi ilə bağlı təəccüblü açıqlama verib.

Futbolçunun meneceri "Qalatasaray" rəhbərliyindən hələ də müqavilənin uzadılması ilə bağlı təklif almadıqlarını bildirib.

Onun sözlərinə görə, Ä°kardiyə Avropanın bir neçə tanınmış klublarından ciddi təkliflər gəlib. "Dekabr ayına qədər gözləyəcəyik, daha sonra başqa qərarlar verməkdə özümüzü sərbəst hiss edəcəyik".

"Qalatasaray" Ä°kardi ilə yeni müqavilə bağlamasa, argentinalı ulduz yanvar ayından istədiyi klubla ilkin anlaşmaya imza atmaq statusuna sahib olacaq. Bu səbəbdən "sarı-qırmızılar"ın yaxın vaxtlarda futbolçu ilə yeni müqavilə bağlayacağı da istisna edilmir.