Ağ Ev bal zalının layihəsini müzakirə edən Komissiyanın bütün üzvlərini vəzifədən azad edib...
Poliqon xəbər verir ki, Ağ Ev prezident Donald Trampın təşəbbüsü ilə inşa ediləcək bəl zalı layihəsini nəzərdən keçirməli olan İncəsənət Komissiyasının altı üzvünü vəzifədən azad edib. NBC News-un məlumatına görə, bu addım barədə Ağ Evin nümayəndəsi məlumat verib.
Rəsminin sözlərinə görə, Ağ Ev “prezident Trampın ‘Amerika hər şeydən üstündür’ siyasətinə daha uyğun yeni komissiya tərkibi təyin etməyə hazırlaşır”. Bildirilir ki, hazırkı altı üzvün hamısı sabiq prezident Co Bayden tərəfindən təyin olunmuşdu və onlara elektron poçt vasitəsilə vəzifədən azad edildikləri barədə dərhal məlumat göndərilib.
Komissiyanın vəzifəsi prezidentə, Konqresə və Kolumbiya dairəsi hökumətinə “dizayn və estetika məsələləri üzrə məsləhət vermək, federal maraqları və ölkə paytaxtının nüfuzunu qorumaq”dan ibarətdir. Bu barədə qurumun rəsmi saytında qeyd olunur.
Üzvlərin vəzifədən azad edilməsi Trampın Potomak çayı boyunca Fransa Trianon Tağını xatırladan bir memarlıq əsəri – nəhəng arka və Ağ Evin Şərq qanadı ərazisində yeni bəl zalı tikmək planlarını açıqlamasından qısa müddət sonra baş verib. Qeyd olunur ki, bu ərazidə bir neçə gün öncə Ağ Evin köhnə inzibati binası yerləşirdi.
Ekspertlər bu qərarı Ağ Evin mədəni və memarlıq siyasətində kurs dəyişikliyinin göstəricisi kimi qiymətləndirirlər.
Poliqon.info
