Ayna saytından əldə olunan məlumata görə, ain.az məlumat yayır.
"Tanrı ilə bağlı şeylərə ciddi yanaşmalıyıq. Tanrı ilə əhd bağlamışam"
Təcavüz ittihamı ilə məhkum edilmiş "Barselona" və Braziliya milli futbol komandasının keçmiş müdafiəçisi Dani Alves kilsə təbliğatçısı olub. AYNA.AZ xəbər verir ki, bu barədə “CNN Brasil” məlumat yayıb.
Bildirilib ki, oktyabrın 26-da Alves İspaniyanın Jirona şəhərindəki bir yevangelist kilsəsində keçirilən mərasimdə iştirak edib. Keçmiş futbolçu camaata moizə oxuyub və dinlə münasibətlərindən danışıb.
Alves dini qəbul etdiyini və kilsəyə yaxınlaşdığını qeyd edib.
"Tanrı ilə bağlı şeylərə ciddi yanaşmalıyıq. Mən bunun sübutuyam; Tanrı ilə əhd bağlamışam", - keçmiş futbolçu bildirib.
2023-cü ildə idmançı təcavüz ittihamı ilə həbs edilib. İddia edilən zərərçəkmişin sözlərinə görə, 30 dekabr 2022-ci ildə Barselona gecə klubunda futbolçu onu tualetə kilidləyib və orada döyüb, təcavüz edib. 2024-cü ildə Alves 4,5 il həbs cəzasına məhkum edilib. Vəkilləri qərardan apelyasiya şikayəti veriblər. Ötən ilin mart ayında idmançı 14 ay həbsdə qaldıqdan sonra 1 milyon avro girov müqabilində azadlığa buraxılıb. 2025-ci ilin mart ayında Kataloniya Ali Məhkəməsi kifayət qədər dəlil olmadığını əsas gətirərək hökmü ləğv edib.
42 yaşlı futbolşu Fransa, İtaliya və İspaniya çempionatlarını və milli kuboklarını qazanıb. Braziliya milli komandası ilə müdafiəçi Olimpiya Oyunlarını və Dünya Gənclər Çempionatını, eləcə də iki “Copa América” və iki Konfederasiya Kubokunu qazanıb. Alveş dünyanın ən çox mükafat qazanan futbolçusu hesab olunur.
Daha ətraflı məlumat və yeniliklər üçün ain.az saytını izləyin.
