ain.az xəbər verir, Bizimyol saytına əsaslanaraq.
Belarus Prezidenti Aleksandr Lukashenko bildirib ki, ölkəsi Avropadakı gərginliyin artmasına cavab olaraq Rusiya “Oreşnik” orta mənzilli raket kompleksini yerləşdirir. Eyni zamanda o qeyd edib ki, Avropa ölkələri bu tip raketləri öz ərazilərində yerləşdirməməyə razılaşsa, Minsk yerləşdirməni dayandıra bilər.
Bizimyol.info xəbər verir ki, Lukashenkonun dediyinə görə, raketin Belarusiyada yerləşdirilməsi aqressiya məqsədi daşımır və ölkəsi yalnız Avropadan adekvat cavab addımları görəcəyi halda fəaliyyətini dayandırmağa hazırdır. O, 1987-ci ildə SSRİ və ABŞ arasında imzalanmış və orta və qısa mənzilli raketləri ləğv etməyə yönəlmiş müqavilədən bəhs edib və qeyd edib ki, ABŞ 2019-cu ildə müqavilədən çıxıb, sonradan isə Avropa ölkələri belə silahları yerləşdirməyə başlayıb.
Belarus lideri hesab edir ki, Avropa ölkələrinin iqtisadiyyatı hərbi hazırlıq vəziyyətinə yönəldilməsi “fəlakətli nəticələr”ə gətirib çıxara bilər. O, həmçinin Avropa ilə dialoqun vacibliyini vurğulayıb: “Danışıq olmadıqda, müharibə daha yaxındır. Silahlanma yarışını dayandırmalıyıq”, - deyə o əlavə edib
Lukashenko qeyd edib ki, Belarus və Rusiya heç bir halda Avropaya hücum etməyi planlaşdırmır və onların məqsədi yalnız müdafiədir. O, həmçinin Avropaya, qida və dərmanlara qoyulan məhdudiyyətlərin aradan qaldırılması, kritik beynəlxalq infrastrukturun qorunması və miqrasiya böhranının həlli üçün əməkdaşlıq təklif edib.
2024-cü ilin sonunda Rusiya Prezidenti Vladimir Putinlə razılaşma əsasında “Oreşnik” raketi Belarusda yerləşdiriləcək. Raketin uçuş məsafəsi 5,5 min km, sürəti isə saatda 12 380 km-dir. O həm nüvə, həm də qeyri-nüvə başlığı daşıya bilər və raketi vurmaq çox çətindir, yalnız uçuşun başlanğıc mərhələsində mümkündür.
Qadir, Bizimyol.info
Daha ətraflı məlumat və yeniliklər üçün ain.az saytını izləyin.
