Azərbaycan Milli Mətbuatının 150 illik yubileyi, eləcə də Müstəqilliyin Bərpası Günü (18 oktyabr) və Zəfər Günü (8 Noyabr) münasibətilə sentyabrın 27-dən noyabrın 8-dək təşkil olunan şəhid jurnalistlərin xatirəsinə həvəskar komandalardan ibarət 4-cü Ənənəvi Minifutbol Turniri çərçivəsində yarımfinal oyunları keçirilib.
Apasport.az xəbər verir ki, oktyabrın 26-da Bakı Tennis Akademiyasında keçirilən oyunları AFFA-nın hakimləri Vüsal Balaşov və İmran Məhərrəmov idarə ediblər.
Yarımfinalın ilk görüşündə “Veteranlar” “Dəmir Yumruq”la üz-üzə gəlib. "Veteranlar" 4:2 hesabı ilə qalib gələrək ilk finalçı olub.
Digər qarşılaşmada isə “İctimai TV” “AzTV” ilə mübarizə aparıb. Gərgin keçən matç “AzTV”nin qələbəsi ilə yekunlaşıb - 3:1.
Qeyd edək ki, noyabrın 1-də keçiriləcək final qarşılaşmasında “AzTV” və “Veteranlar”, üçüncü yer uğrunda görüşdə isə “Dəmir Yumruq” ilə “İctimai TV” üz-üzə gələcək. Oyunlardan sonra mükafatlandırma və bağlanış mərasimi baş tutacaq.
Millimizin İslandiya və Fransa yığmalarına qarşı matçlarının biletləri satışa çıxarılıb
“Kəpəz” gürcüstanlı futbolçu ilə yollarını ayırıb - RƏSMİ
“Neftçi”dən azarkeşlərinə şad xəbər: KUBOK MATÇINA GİRİŞ PULSUZ OLACAQ
Daniel Seqovia: “Neftçi”də qalmaq istədim, amma alınmadı”
“Qəbələ” “Qarabağ”ı məğlub etdi - 3:0
