Avstraliyalı alimlər tez-tez musiqi dinləyən və ya musiqi alətlərində ifa edən yaşlı insanların demensiyaya tutulma ehtimalının daha az olduğunu aşkar ediblər.
AzPost bildirir ki, tədqiqat Beynəlxalq Geriatrik Psixiatriya Jurnalında (IJGP) dərc edilib.
Tədqiqatçılar ASPREE (Aspirin in Reducing Events in the Oldly) layihəsində iştirak edən təxminən 11.000 iştirakçının – tədqiqatın əvvəlində heç bir kognitiv pozğunluq əlaməti olmayan 70 yaşdan yuxarı insanların məlumatlarını təhlil ediblər. Onlar orta hesabla 4,7 il izlənilib, həyat tərzi və yaddaşları qiymətləndirilib.
Təxminən üç il sonra iştirakçılardan musiqi fəaliyyətlərinin tezliyi – musiqiyə nə qədər tez-tez qulaq asdıqları və ya alətlərdə ifa etdikləri barədə soruşulub. Musiqiyə “həmişə” qulaq asanların demensiyaya tutulma riski 39%, yüngül kognitiv geriləmə riski isə 17% daha aşağı olub. Bu risk nadir hallarda və ya heç vaxt musiqi dinləməyənlərlə müqayisədədir. Mütəmadi olaraq musiqi alətlərində ifa edən iştirakçılar demensiya riskini 35% daha aşağı göstəriblər. Hər iki musiqi fəaliyyəti növünü birləşdirənlərdə həm demensiya, həm də kognitiv geriləmə riski də xeyli aşağı olub.
Maraqlıdır ki, təhsil səviyyəsi bu qoruyucu təsiri artırır. 16 və daha çox illik təhsili olan insanlar arasında müntəzəm musiqi dinləmək demensiya riskini 63% azalıb, 12-15 illik təhsili olan iştirakçılar arasında isə belə bir əlaqə müşahidə edilməyib.
Tədqiqatçılar hansı musiqi fəaliyyətinin formalarının ən böyük təsirə malik olduğunu və musiqinin demensiya qarşısının alınması proqramlarının bir hissəsi kimi istifadə edilə biləcəyini müəyyən etmək üçün işlərini davam etdirməyi planlaşdırırlar.
