BAKI, 28 oktyabr. TELEQRAF
ABŞ Müdafiə Nazirliyinin 1 min əməkdaşı, onların ailə üzvləri və podratçılar Kubada yerləşən Qvantanamo hərbi-dəniz bazasından təxliyə olunub.
Teleqraf xəbər verir ki, bu barədə "The New York Times" məlumat yayıb.
Məlumata görə, təxliyə edilən şəxslər müvəqqəti olaraq Floridada yerləşən Pensacola hərbi-dəniz bazasında yerləşdirilib və orada iki həftə qalacaqlar.
Atlantik okeanında formalaşan “Melissa” qasırğası Safir-Simpson şkalası üzrə ən yüksək beşinci kateqoriyaya çatıb. ABŞ Qasırğaları İzləmə Mərkəzinin məlumatına görə, qasırğa qərb istiqamətində saatda 6 km sürətlə hərəkət edir, küləyin maksimal sürəti isə 72,2 m/s-ə çatır.
