Bakı, 27 oktyabr, AZƏRTAC
Tibbi Ərazi Bölmələrini İdarəetmə Birliyinin (TƏBİB) həyata keçirdiyi qeyri-infeksion xəstəliklərin profilaktikası ilə bağlı layihə çərçivəsində 22 rayonda paralel olaraq 2 istiqamət üzrə 2 min 439 qadın mammoqrafiya müayinəsindən keçib. 22 rayondan 11 rayon üzrə nəticələrin təhlili aparılıb.
AZƏRTAC xəbər verir ki, bunu TƏBİB-in Strateji inkişaf departamentinin Korporativ əməkdaşlıq şöbəsinin müdiri Nigar Rüstəmli “Ümumdünya süd vəzi ilə mübarizə ayı” çərçivəsində “Xərçəngdən güclüsən" mövzusunda keçirilən tədbirdə çıxış edərkən deyib.
O qeyd edib ki, 1219 nəfərdən 386-da xoşxassəli xərçəng, 51-də isə xərçəng riski aşkarlanıb.
