Ayna saytına istinadən ain.az xəbər verir.
Etirazçılar əllərində Gürcüstan rəhbərliyinə qarşı sanksiyalara çağıran plakatlar tutublar
Hökumət tənqidçilərinin fikrincə, nəticələri saxtalaşdırılan parlament seçkilərinin ildönümünü qeyd etmək üçün dünən axşam Tiflisdə keçirilən etiraz aksiyasında minlərlə insan iştirak edib. AYNA.AZ gürcü mediasına istinadən bildirir ki, etirazçılar hesab edirlər ki, “Gürcü Arzusu – Demokratik Gürcüstan” Partiyası qalib elan edildikdən dərhal sonra İrakli Kobaxidzenin rəhbərlik etdiyi mübahisəli hökumət Gürcüstanın Avropa İttifaqına üzvlük danışıqlarının dayandırıldığını elan etməklə "konstitusiya çevrilişi" həyata keçirib.
Keçən ilki seçkilərin nəticələrini tanımayan partiyalardan olan siyasətçilər mitinqə qoşularaq hökuməti qeyri-legitim elan edib və parlament mandatlarından imtina ediblər. Bu gün əsas müxalifət liderləri hökumət əleyhinə etirazların ən fəal iştirakçıları ilə birlikdə həbsdədirlər.
Nümayişçilər Tiflisdəki Respublika Meydanında toplaşıb və oradan parlamentə doğru yürüş ediblər. Rustaveli prospektində nəqliyyatın hərəkəti iflic olub. Yürüş iştirakçıları əllərində Gürcüstan, ABŞ və Aİ bayraqları, eləcə də Gürcüstan rəhbərliyinə qarşı sanksiyalara çağıran plakatlar tutublar.
Daha ətraflı məlumat və yeniliklər üçün ain.az saytını izləyin.
