ABŞ prezidenti Rusiyanın “Burevestnik” raket sınağına sərt reaksiya verib...
Poliqon xəbər verir ki, ABŞ prezidenti Donald Tramp Rusiyada keçirilən “Burevestnik” qanadlı raket sınağı ilə bağlı açıqlama verib. O, bildirib ki, Moskva ilə münasibətlərdə Vaşinqton “oyun qaydaları ilə deyil, real güc balansı ilə” hərəkət edir.
“Onlar bizimlə oyun oynamır, biz də onlarla oynamırıq”, deyə Tramp bəyan edib. Prezidentin sözlərinə görə, Rusiya nüvə potensialını nümayiş etdirməklə təzyiq göstərmək istəyir, lakin ABŞ hərbi texnologiya və strateji üstünlüyünü qorumaqda qərarlıdır.
Ekspertlər qeyd edirlər ki, “Burevestnik” sınağı ABŞ və Rusiya arasında silah nəzarəti məsələlərinin yenidən gərginləşməsinə səbəb olub. Hər iki tərəf nüvə balansını qorumaqla yanaşı, yeni nəsil uzaqmənzilli raket texnologiyalarında üstünlük əldə etməyə çalışır.
Tramp administrasiyası yaxın günlərdə bu mövzuda NATO müttəfiqləri ilə məsləhətləşmələr aparmağı planlaşdırır.
Poliqon.info
