ain.az, Bizimyol portalına istinadən məlumatı açıqlayır.
ABŞ Prezidenti Donald Tramp, Şimali Koreyanın "öz növündə nüvə dövləti olduğunu" bəyan edib.
Bizimyol.info xəbər verir ki, bu açıqlama Trampın ABŞ-dan Asiyaya baş tutan səfəri çərçivəsində, Koreya Xalq Demokratik Respublikasının lideri Kim Çen In ilə görüşün mümkünlüyünü müzakirə etdiyi bir vaxtda verilib.
"Air Force One" təyyarəsində jurnalistlərin sualına cavab verən Tramp, Şimali Koreyanın öz nüvə silahlarını tanıtdırmaq şərti ilə Vaşinqtonla danışıqlara başlamağa hazır olub-olmadığı ilə bağlı suala: "Bəli, mən düşünürəm ki, onlar öz növündə nüvə dövləti sayılırlar", - deyə cavab verib.
O, əlavə edərək bildirib: "Onların çoxsaylı nüvə silahları var, bunu deyə bilərəm."
Trampın Çərşənbə günü Cənubi Koreyaya Asiya-Sakit Okean İqtisadi Əməkdaşlıq Forumuna (APEC) qatılmaq üçün gəlməsi gözlənilir.
Əvvəllər ABŞ mediası, Trampın administrasiyasının özəl şəkildə Şimali Koreyanın lideri Kim ilə görüşün təşkilini müzakirə etdiyini bildirmişdi. Tramp, KXDR prezidenti ilə sonuncu dəfə 2019-cu ildə danışıqlar aparıb.
Qadir, Bizimyol.info
Daha ətraflı məlumat və yeniliklər üçün ain.az saytını izləyin.
