BAKI, 24 oktyabr. TELEQRAF
Türkiyənin Ərzurum vilayətinin Palandöken rayonunda 3,5 bal gücündə zəlzələ baş verib.
Teleqraf xəbər verir ki, bu barədə məlumatı Fövqəladə Halların İdarə Olunması Agentliyi (AFAD) yayıb.
Məlumata görə, yeraltı təkanlar yerin 9,9 kilometr dərinliyində qeydə alınıb və ətraf rayonlarda da hiss olunub.
İlkin məlumatlara əsasən, zəlzələ nəticəsində hər hansı fəsad və ya tələfat qeydə alınmayıb.
