İngiltərənin “Liverpul” klubunun müdafiəçisi Ceremi Frimponq zədələnib.
QOL.az xarici KİV-ə istinadən xəbər verir ki, 24 yaşlı holland futbolçu UEFA Çempionlar Liqasının Liqa mərhələsində “Ayntraxt”la səfər oyununda (5:1) ayaq əzələsindən xəsarət alıb.
Komandanın baş məşqçisi Arne Slot onun bir neçə həftə meydanlardan uzaq qalacağını açıqlayıb.
Qeyd edək ki, Frimponq Mersisayd təmsilçisinə mövsümün əvvəlində “Bayer”dən 40 milyon avroya transfer olunub. O, komanda ilə 9 oyuna çıxaraq 1 qol vurub.
