Bakı, 23 oktyabr, AZƏRTAC
Fransa ordusu üç-dörd il ərzində baş verə biləcək böyük qarşıdurmaya hazır olmalıdır.
AZƏRTAC xəbər verir ki, Fransa Silahlı Qüvvələrinin Baş Qərargah rəisi general Fabyen Mandon bunu Fransa parlamentinin aşağı palatasının Müdafiə Komitəsində keçirilən dinləmələrdə deyib.
“Le Parisien” qəzetinin məlumatına görə, Fabyen Mandon bu vəziyyətlə bağlı fikrini Rusiya ilə qarşıdurma kontekstində səsləndirib. Generalın sözlərinə görə, “toqquşma artıq hibrid formada gedir, lakin gələcəkdə daha geniş miqyas ala bilər”.
