ain.az, Azertag saytından verilən məlumata əsaslanaraq xəbər yayır.
Daşkəsən, 23 oktyabr, Vüsalə Cənnətova, AZƏRTAC
Daşkəsən rayonunda yerləşən, uzunluğu 24,9 kilometr olan Quşçu-Çovdar-Çaykənd avtomobil yolunun 10 kilometrlik hissəsində əsaslı təmir işləri aparılır.
Daşkəsən rayon İcra Hakimiyyətindən AZƏRTAC-ın bölgə müxbirinə verilən məlumata görə, görülən işlər “31 saylı Yol İstismar” MMC və 3 nömrəli “Magistral avtomobil yollarının istismarı” MMC tərəfindən həyata keçirilir.
Layihə çərçivəsində yolun bəzi hissələrində hərəkət zolaqları genişləndirilib, yağış və qrunt sularının yola zərər verməsinin qarşısını almaq məqsədilə müxtəlif diametrli suötürücü qurğular və beton kuvetlər quraşdırılıb. Yol yatağının gücləndirilməsi və yeni asfalt örtüyünün salınması ilə aparılan təmir işləri nəqliyyat vasitələrinin fasiləsiz və maneəsiz hərəkətinə şərait yaradacaq.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
