Rusiya Pravoslav Kilsəsi getdikcə daha qapalı mövqe tutur...
Poliqon xəbər verir ki, “Nezavisimaya qazeta”nın təhlilinə əsasən, Moskva Patriarxlığı son illərdə şüurlu şəkildə digər dinlərlə dialoqu məhdudlaşdıran və öz fəaliyyətini getdikcə daha çox daxili çərçivələrə yönəldən bir istiqamətdə hərəkət edir. Nəşr qeyd edir ki, bu proses həm ölkə daxilində, həm də beynəlxalq səviyyədə kilsənin müəyyən ictimai missiyalarından imtina etməsi kimi qiymətləndirilə bilər.
NQ yazır ki, XX əsrin ortalarından bəri ekumenik hərəkat - müxtəlif xristian məzhəbləri və dinlər arasında əməkdaşlıq təşəbbüsləri “xalq diplomatiyasının” mühüm hissəsi sayılırdı. Rusiya daxilində isə Pravoslav Kilsəsi uzun illər boyu müxtəlif dini icmalar arasında razılıq və sabitliyin əsas dayağı rolunu oynayıb. Bu istiqamətdə aparılan işlərdə mənəvi və əxlaqi baxımdan müəyyən sinxretizm elementləri, yəni fərqli dini dəyərlərin ortaq platformada birləşməsi müşahidə olunub.
Bununla belə, qəzet yazır ki, Rusiya Pravoslav Kilsəsi bu missiyadan tamamilə imtina etmir. Patriarx və kilsə təbliğat seminarlarının iştirakçıları bildiriblər ki, dialoqdan tamamilə uzaqlaşmaq yolverilməzdir və yalnız kilsə qaydaları ilə ziddiyyət təşkil edən dözümsüz davranışlar qınanır. Lakin ekspertlər qeyd edirlər ki, Rusiya Pravoslav Kilsəsinin mövqeyində ardıcıl şəkildə sərtləşmə və dialoq imkanlarının daralması müşahidə olunur.
Poliqon.info
