Rusiya hərbçilərinin strateji nüvə silahlarından istifadə ilə bağlı planlı təlim keçirdiyi açıqlanıb.
Busaat.az xəbər verir ki, Kremldən verilən açıqlamaya görə, Rusiya Silahlı Qüvvələri Rusiya prezidenti Vladimir Putinin komandanlığı altında strateji nüvə silahı təlimi keçirib.
Açıqlamada Rusiya hava, quru və dəniz qüvvələrinin elementlərinin təlimə qatıldığı, qitələrarası ballistik və qanadlı raketlərin də atıldığı qeyd edilib.
“Yars” qitələrarası ballistik raketinin Kamçatkadakı nüvə sualtı qayığından, “Sineva” ballistik raketinin isə Barents dənizindəki nüvə sualtı qayığından atıldığına dair məlumatların paylaşıldığı açıqlamada, təlimə Tu-95MS təyyarəsinin də qatıldığı bildirilib.
Açıqlamada Putinin sədrliyi ilə keçirilən iclasda Rusiyanın müdafiə naziri Andrey Belausov da iştirak etdiyi, Rusiya Baş Qərargah rəisi Valeri Gerasimovun tədbir iştirakçılarına fəaliyyətlə bağlı məlumat verdiyi qeyd edilib.
Xatırladaq ki, Rusiya sonuncu dəfə 2024-cü ilin oktyabrında nüvə silahı təlimi keçirmişdi.
Yeganə
