Şahzadə Uilyam kral ailəsinin titullarını ləğv edəcək
Ajans.az The Daily Beast nəşrinə istinadən xəbər verir ki, plan rəsmi vəzifə icra etməyən ailə üzvlərinin kral titullarından məhrum edilməsini nəzərdə tutur. Mənbələrin bildirdiyinə görə, Şahzadə Uilyam “işləməyən” kral ailəsi üzvlərinin titullarını ləğv etməkdə qətiyyətlidir. Bu addım həyata keçərsə, Şahzadə Endrünün qızları – şahzadə Yevgeniya və Beatris, eləcə də Şahzadə Harri və onun övladları Arçi və Lilibet “Əlahəzrət Kral” titulunu itirə bilərlər. Bununla belə, konstitusiya hüququ üzrə ekspertlər bildirirlər ki, belə bir dəyişiklik yalnız yeni Kral Patenti vasitəsilə mümkündür. Hazırkı qanunvericilik – xüsusən də Kral V Georg tərəfindən 1917-ci ildə verilmiş Məktublar Patenti – bu cür titulların ləğvini çətinləşdirir. İslahat planı ictimaiyyət arasında monarxiyanın gələcəyi ilə bağlı müzakirələri yenidən gündəmə gətirib. Gözlənilir ki, Uilyamın taxta çıxması ilə birlikdə monarxiyanın strukturunda əhəmiyyətli dəyişikliklər baş verəcək.
