"Nə Rusiya prezidenti Vladimir Putin, nə də onun amerikalı həmkarı Donald Tramp vaxt itirmək istəmir".
"Unikal" xəbər verir ki, bunu Kremlin sözçüsü Dmitri Peskov jurnalistlərlə keçirdiyi növbəti brifinqdə deyib.
O qeyd edib ki, hər iki dövlət başçısı səmərəli işləməyə öyrəşib. Lakin bu effektivliyə nail olmaq hazırlıq tələb edir.
Oktyabrın 16-da Rusiya və ABŞ prezidentləri arasında telefon danışığı olub və onlar Macarıstanın paytaxtında şəxsən görüşmək barədə razılığa gəliblər. Oktyabrın 21-də Peskov Budapeşt sammitinin tarixlərinin hələ müəyyən edilmədiyini açıqlayıb.
