Birləşmiş Millətlər Təşkilatı (BMT) İsrailin Qəzzada davam edən hücumlarından narahatlığını ifadə edib.
AFN.az xarici mediaya istinadən xəbər verir ki, bu barədə BMT baş katibinin sözçüsü Stefan Düjarrik gündəlik mətbuat konfransında məlumat verib.
Düjarrik bildirib: "Tərəflərin Qəzzada atəşkəs rejiminə əməl etmək öhdəliyini təkrarlamalarından ruhlanırıq və vasitəçilərin səylərini yüksək qiymətləndiririk. Lakin biz Qəzzada baş verən bütün zorakılıq aktları və son hücumlardan narahatıq."
BMT nümayəndəsi tərəfləri mülki şəxslərin müdafiəsini təmin etmək və hərbi əməliyyatların yenidən alovlanmasına səbəb ola biləcək hərəkətlərdən çəkinmək üçün çağırıb. O, həmçinin qeyd edib ki, hazırda təşkilatın diqqəti humanitar yardımdadır və rəsmi nəzarət mexanizminin bir hissəsi olmadıqlarını vurğulayıb: "Atəşkəs vasitəçilərin ixtiyarındadır."
