20 oktyabr 2025-ci il tarixində keçirilən “Silicon Mountains 2025” sərgisində çıxış edən Nokia Mobil Şəbəkələrinin Mərkəzi və Cənubi Avropa üzrə texniki direktoru İvan Lesiç bildirib ki, 6G texnologiyası süni intellekti (AI) şəbəkə infrastrukturunun bütün səviyyələrinə inteqrasiya etməklə rabitə sistemlərində inqilab yaradacaq.
QHT.az xəbər verir ki, Lesiç qeyd edib ki, hazırda dünya 5G Qabaqcıl dövründədir və 6G-yə keçid prosesi artıq başlanıb. Yeni nəsil şəbəkələr daha yüksək sürət, etibarlılıq və təhlükəsizlik təmin edəcək, eyni zamanda süni intellekt vasitəsilə real vaxtda qərar qəbul etmə və optimallaşdırmanı təkmilləşdirəcək.
Onun sözlərinə görə, 6G dövrü 2028-2030-cu illərdə tətbiq olunacaq və bu texnologiya “hər şeyi birləşdirən” qlobal şəbəkə erasının əsasını qoyacaq.
R.İmanov
