Prezident İlham Əliyevin təsdiqlədiyi qanuna əsasən prospekt, küçə, meydan və s. ərazilər ad qoyulan zaman həmin ərazinin əhəlisinin rəyi nəzərə alınacaq.
Redaktor.az-a danışan Milli Məclisin deputatı Aydın Mirzəzadə bildirdi ki, belə praktika əvvəldən var idi:
"İndi isə bu praktika qanunvericilik səviyyəsinə qaldırılıb. Bu isə o demədir ki, məsələlərdə əhalinin fikrinin nəzərə alınmasını artıq qanunvericilik səviyyəsində təsdiq edilir. Çünki həmin yeni adlı ərazilərdə həmin ərazinin insanları yaşayacaqlar və sənədlərində həmin o yeni ad əks olunacaq. Bu baxımdan əhalinin fikri vacibdir. Bunun qanunvericilik səviyyəsində təsdiqlənməsi düzgündür. Belə praktika xarici ölkələrdə də var", - deyə millət vəkili qeyd etdi.
Aytəkin TOFİQQIZI
