Xəbər verdiyimiz kimi, Səbail Rayon Məhkəməsinin qərarı ilə Azərbaycan Prezidenti Administrasiyasının (PA) sabiq rəhbəri, AMEA-nın keçmiş prezidenti, akademik Ramiz Mehdiyev barəsində dörd aylıq ev dustaqlığı qətimkan tədbiri seçilib.
Bakıvaxtı.az-ın verdiyi məlumata görə, R.Mehdiyevə qarşı Cinayət Məcəlləsinin 278, 274 və 193-cü maddələri ilə ittiham irəli sürülüb.
Məsələ ilə bağlı Bakıvaxtı.az sərt və qalmaqallı açıqlamaları ilə diqqət çəkən Müasir Müsavar Partiyasının sədri Hafiz Hacıyev ilə əlaqə saxlayıb.
Hafiz Hacıyev Ramiz Mehdiyevi “qeyri-ciddi” adlandıraraq, kəskin və sərt ifadələrlə çıxış edib:
"Onu gülləmək lazımdır”.
Müsahibimiz diqqətə çatdırıb ki, o, 2010-cu ildə televiziya müsahibələrindən birində sabiq PA rəhbəri ilə bağlı hər şeyi açıqlayıb.
Partiya rəhbəri onu da qeyd edib ki, hazırda Mehdiyevin ətrafında qorxu və susqunluq hökm sürür; onunla müştərək fəaliyyət göstərən şəxslərin də məsuliyyətə cəlb olunması vacibdir.
Hafiz Hacıyev yaxın vaxtlarda həbs dalğasının baş verəcəyini söyləyib, lakin konkret adlar açıqlamaqdan yayınaraq əlavə edib:
“Mən adları çəksəm, onların ürəyi partlayar. Hər şey gün üzünə çıxacaq”.
Əli Hüseynov
