Bal və şəkər sürətli karbohidratlarla oxşar qida dəyərinə malikdir. Lakin bal tərkibindəki tozcuqlara görə cüzi üstünlük verir.
AzPost bildirir ki, bu barədə Piroqov Universitetinin farmakologiya kafedrasının baş müəllimi Andrey Kondraxin Qazeta.Ru-ya bildirib.
Mütəxəssis izah edib ki, balın faydalı komponentləri əhəmiyyətli terapevtik təsir göstərmək üçün qeyri-kafi konsentrasiyalarda mövcuddur. Həkim xəbərdarlıq edib ki, balın həddindən artıq istehlakı qanda şəkərin səviyyəsinin kəskin yüksəlməsinə səbəb olur ki, bu da onun potensial faydalarını neytrallaşdırır.
Mütəxəssis bala müalicə vasitəsi deyil, profilaktik tədbir kimi baxılmalı olduğunu vurğulayıb. Həkim qida rasionunda onun istehlakının məhdudlaşdırılmasını tövsiyə edib.
