Müəllif: Tamara Mustafayeva, Banco.az
“OpenAI” və “Broadcom” süni intellekt çipləri üzrə böyük razılaşma imzalayıb.
Banco.azxəbər verir ki, “Broadcom Inc.” “OpenAI” ilə süni intellekt xidmətlərini dəstəkləmək məqsədilə xüsusi çiplər və şəbəkə komponentləri alınmasını nəzərdə tutan böyük məlumat mərkəzi müqaviləsi imzalayıb.
Mənbələrə görə, “OpenAI” məlumat mərkəzləri və çiplər üçün artıq 1 trilyon dollardan çox dəyərində razılaşmalar bağlayıb və Broadcom çiplərinə on milyardlarla dollar daha sərmayə yatırmağı planlaşdırır.
Bu müqavilə 10 gigavat gücündə süni intellekt məlumat mərkəzi tutumu əlavə etməyi hədəfləyir — bu, Nyu-York şəhərinin ən yüksək enerji tələbinə bərabərdir.
Razılaşmanın əsas özəlliyi “OpenAI”ın çipləri öz ehtiyaclarına uyğunlaşdırmaq imkanı əldə etməsidir. Bu addım “Broadcom”a sürətlə böyüyən süni intellekt bazarına daha geniş çıxış qazandırır.
Xəbərin ardından “Broadcom”un səhmləri 9,9% bahalaşaraq 356,70 dollara yüksəlib və şirkətin bazar dəyəri 150 milyard dollardan çox artıb.
Bizi sosial şəbəkələrdən izləyin!!
