21 yaşadək futbolçulardan ibarət Azərbaycan millisi Avropa çempionatının seçmə mərhələsində növbəti oyununa çıxıb.
Far.Az-in məlumatına görə, komandamız Bakıda Şotlandiyanın gənclər yığmasını qəbul edib və qollu mübarizənin sonunda 3:3 hesablı heç-heçə ilə kifayətlənib.
"Liv Bona Dea Arena"da baş tutan qarşılaşmada Azərbaycan millisinin qollarını Xəyal Əliyev (7 və 49-cu dəqiqə – penalti) və Şahin İbrahimov (79) vurublar. Qonaqların heyətində isə Devid Uotson (33), Lyuk Qrem (44) və Semuel Klipp Hardinq (90+1) fərqləniblər.
Qeyd edək ki, matç zamanı şotlandların heyətində J. Çilokoa-Mullen (47) və A. Mebude (90+2) qırımızı vərəqə alıblar. Həmçinin qonaq futbolçuların sonuncu qol sevinci zamanı etdiyi tərbiyəsiz hərəkət oyunu şərh edən CBC Sport-un şərhçisini də özündən çıxarıb.
